Parliament-News

UBUTUMWA BWA SENA BUJYANYE NO KURWANYA ICYOREZO CYA COVID-19

|   Senate

Kuri uyu wa mbere tariki ya 30/03/2020, Biro ya Sena yateranye hakoreshejwe uburyo bw’ikoranabuhanga, buri wese ari mu rugo iwe,  mu rwego rwo gushyira mu bikorwa ingamba Igihugu cyafashe zo gukumira no kwirinda icyorezo cya COVID-19.

Biro ya Sena yasuzumye uruhare Abasenateri bagomba kugira muri ibi bihe bidasanzwe u Rwanda n’Isi biri mu rugamba rwo kurwanya icyorezo cya Koronavirusi COVID-19.

Abagize Sena bahamagariwe  kwifatanya n’abadafite ubushobozi, babafasha kubona ibyo kurya mu midugudu batuyemo.

Sena ishyigikiye ingamba Leta yafashe zo guhangana n'iki cyorezo, kandi irashima ubwitange n'ubutwari abaganga n'abashinzwe umutekano bakomeje kugaragaza.

Dr. IYAMUREMYE Augustin
Perezida wa Sena