Amateka

Inteko Ishinga Amategeko y'u Rwanda yagiyeho nyuma y'ibihe by'inzibacyuho, binyuze mu matora yabaye ku itariki ya 29 Nzeri kugeza tariki ya 2 Ukwakira 2003.
Yatangiye imirimo yayo ku itariki 10 ukwakira 2003, nyuma y'irahira ry'abagize imitwe yombi.

Inteko Ishinga Amategeko y'u Rwanda igizwe n'Imitwe ibiri :
•    Umutwe w'Abadepite na Sena.
Umutwe w'Abadepite ugizwe n'Abadepite 80 bakomoka aha hakurikira :
1.    Abadepite 53 batowe ku rwego rw'Igihugu ;
2.    Makumyabiri na bane (24) b'abagore batorwa n’inzego zihariye, hakurikijwe inzego z’imitegekere y’Igihugu;
3.    Abadepite 2 batowe n'Inama y'Igihugu y'Urubyiruko ;
4.    Umudepite 1 watowe n'impuzamashyirahamwe y'abantu bafite ubumuga.